影片
更多
2022-01-20
191 浏览
Lunch同同事行咗去宝石戏院𠮶边买嘢食，我哋今日帮衬咗你妳，佢最近推出咗新套餐组合，可以试下。店舖面积虽细，但都有装修得靓靓。佢嘅招牌套餐最抵食，由$45至$58不等，而且仲包饮品。我哋再加埋小食，拎到返去攞出嚟好似开Party咁，多嘢到都唔知食边样先好，哈哈。🍗盐酥天使鸡排便当($58)🍗便当啱哂男仔食，因为有大大碗鲁肉饭，份量十足，当中仲包鲁蛋半只以及两款配菜，今日系酸菜同木耳粟米粒。鲁肉香而不腻，肥肉部份软绵。原来盐酥天使鸡排系另上，咁就实在太好了，因为唔会占上饭粒，能保持干身。鸡扒超正，好食过X大大𠮶啲劲多，炸皮酥脆无比，鸡肉厚身嫩滑，不过始终系炸就有少少油。🍜台式牛肉面($55/转麻辣+$5)🍜牛肉面又系会主动分汤上，抵赞。汤底有三款可选，分别系红烧、蕃茄同麻辣，我要咗后者。汤头偏深色，唔算好油，食落确系带微微辣，但并非麻辣火锅咁火红同多辣椒籽，反而系重药膳味，既特别又暖胃。牛肉有成五大件，肉质唔嚡，但有咬口，另外仲有小白菜、鲁蛋同酸菜粒，酸菜粒爽脆唔臭，下次要嗌大量。面底都OK，并无浸泡，保持弹性。🍳单口味蛋饼(+$15)🍳蛋饼有得拣口味，例如肉松、芝士、粟米等，不过加配
佢嘅招牌套餐最抵食，由$45至$58不等，而且仲包饮品。我哋再加埋小食，拎到返去攞出嚟好似开Party咁，多嘢到都唔知食边样先好，哈哈。
🍗盐酥天使鸡排便当($58)🍗便当啱哂男仔食，因为有大大碗鲁肉饭，份量十足，当中仲包鲁蛋半只以及两款配菜，今日系酸菜同木耳粟米粒。鲁肉香而不腻，肥肉部份软绵。原来盐酥天使鸡排系另上，咁就实在太好了，因为唔会占上饭粒，能保持干身。鸡扒超正，好食过X大大𠮶啲劲多，炸皮酥脆无比，鸡肉厚身嫩滑，不过始终系炸就有少少油。
🍜台式牛肉面($55/转麻辣+$5)🍜
牛肉面又系会主动分汤上，抵赞。汤底有三款可选，分别系红烧、蕃茄同麻辣，我要咗后者。汤头偏深色，唔算好油，食落确系带微微辣，但并非麻辣火锅咁火红同多辣椒籽，反而系重药膳味，既特别又暖胃。牛肉有成五大件，肉质唔嚡，但有咬口，另外仲有小白菜、鲁蛋同酸菜粒，酸菜粒爽脆唔臭，下次要嗌大量。面底都OK，并无浸泡，保持弹性。
🍳单口味蛋饼(+$15)🍳
蛋饼有得拣口味，例如肉松、芝士、粟米等，不过加配只可跟一款配料就有啲可惜，我宁愿佢俾我加钱要多款。蛋饼好饱肚，薄饼皮包住蛋层，再包芝士，芝士热辣辣不乏拉丝效果，但感觉差紧啲乜咁，可能系肉松。
🦑澎湖花枝丸($19)🦑
花枝丸正正常常，想食就嗌埋，但单点小食就比起套餐无咁优惠，少贵，下次都系嗌返餐。花枝丸大大粒，外脆炸至金黄，撒上淮盐调味。
午餐奉送台式饮品，唔使加钱嘅款式都有好多，我哋要咗白桃乌龙茶同埋古早冬瓜茶，同事话前者几好，白桃味显著，但稍甜。而我就唔系第一次饮佢嘅冬瓜茶，每次都无令我失望，味道又甜又清香，稳定地高水准。
每人消费$70，就食到咁饱，好似放题咁，好鬼开心，下次嗌多个人食，食埋甜品就Perfect，但点都好，小店值得推介！
张贴
