茶點

营业中

休息中

突然间好挂住台湾既肉燥饭同埋夜市炸排骨/猪扒！记得有朋友推荐过呢间茶点，一于买外卖试下。餐厅外观好别致，木系风格带有cafe感！餐牌食物选择颇多，我哋拣咗酥炸猪扒肉燥捞面、迷你肉燥饭、招牌珍珠奶茶同埋柚子梳打。酥炸猪扒肉燥捞面 $58猪扒炸衣唔太厚，猪扒有腌过，食落唔会好干有肉汁。反而最惊喜系捞面配既酱汁同埋面底，猪扒瞬间变成配角。因为酱汁味道好特别，好香浓，咸甜度啱啱好，捞埋q弹面条相当夹。面条都好挂汁，非常推荐！另外，仲配半只卤水蛋同酸菜，非常饱足。推荐：5/5 （必食之选）迷你肉燥饭 $38肉燥同捞面既肉燥系一样，个人觉得肉燥配米饭是更加合适！肉燥份量多，仲有半只蛋一条菜心，感觉即刻健康咗！推荐：4.5/5珍珠奶茶 跟餐免费珍珠奶茶茶味足够，唔会比甜度盖过。系一杯正常既冻珍珠奶茶。推荐：4/5柚子梳打 跟餐+$8唔会死甜，系平时柚子蜜加soda！特别既系杯内星星形状果粒，令成件事无咁单调。推荐：4.5/5整体：大埔区内难得有满意既台式餐厅，价钱合理，会一再尝试。