春禧堂台灣料理餐廳PLUS (已結業)

Happy happy Friday, 雀友约埋打番几圈，各自揾食先上去老友家，揾埋个fd系附近揾食，经过呢间#春禧堂 ，念住买外卖，但原来就系隔离铺可以堂食，咁就食咗先算啰☺️。呢间堂食店都几靓，好多花花同特色装饰品，打下卡食吓野，心情都宁舍好啲。外卖袋同盒都印制左台湾嘅小食，至like系用纸造的外卖盒，好过用胶盒，环保意识好好👍。大家都点左🍜红烧腱心牛肉面 ，汤底是纯牛骨汤，饮落好香又浓郁，牛𦟌厚薄均匀，炆得爽口入晒味， 面底有弹性，相当唔错啊😋。小食分别点了麻辣鸭血，鸭血入口软锦爽滑, 麻辣唔会好劲，啱晒唔食得太辣的我。经典蚵仔煎🦪，蚝仔肥嘟嘟的很新鲜，味道调较的很好，不会太咸，都没有一pet pet嘅口感，呢个老友很喜欢😘。喜爱食紫薯，故点了芝士奶盖紫薯鲜奶加仙草，芝士滑滑的，饮到粒粒嘅紫薯在内，口感非常之丰富。老友的蜜桃🍑乌龙芦荟，佢点左少甜，说清新好味， 饮落很舒服㖞😜。