臺茶•薈 (已結業)

同朋友仔去维园写生，之后行下行下去到天后个边，谂住揾间餐厅饮杯野唞吓，路过见到有间几新又干净嘅台式小店，店员招呼我们上楼上雅坐，一睇新装修冷气又够，啱晒我地行到热辣辣嘅人，揾左沙发位就坐低，感觉舒服让人放松。整翻经典台式奶茶 台式较港式奶茶奶味较重，口感香滑顺喉。冻蜂蜜绿茶 清甜又解喝，每口饮落都有淡淡蜜糖同绿茶香。当然要点小食，生煎包 一客有4件 热辣辣煎得皮脆，肉汁饺肉适中。盐酥鸡块金黄香脆好够味，脆浆薄薄咸咸脆脆好滋味！ 煎蚝饼与其话系台式蚵仔煎更似潮洲嘅蚝饼，香脆又多蚝洛，而且无台式落嘅地瓜粉嘅浆，好啱我口味 配埋葱粒，无得输！