台灣郎 (已結業)

愈黎愈多台式复古风格装修嘅餐厅，今次就同姊妹黎左呢间食，有上下两层，入面仲播放妈妈年代台湾歌曲，怀旧风格更特出。高雄夜市蚵仔煎 $88 好大块，望落好似好湿咁，仲谂紧会唔会好淋一劈野咁，但食落又唔系个会事，反而系可以一块块咁夹到，唔会好湿又唔会好干争争。仲要好足料，好多蚵仔，啖啖都会食到，最正系点埋个酱酸酸甜甜，呢个真心推介。庙口肉燥饭 $35唔想食咁油腻就拣肉燥唔拣鲁肉，呢个就比较一般，唔够香，味道都较为啖口，下次试下鲁肉先，可能会好味啲。台湾红烧牛肉面 + 姜母茶 $88呢碗分量唔少，四旧牛好淋身，仲有各两大旧白/红萝卜，都系好淋好入味，汤就好浓牛味，唔辣唔油，好好饮，而面就系扁身，质地弹牙。套餐有以下呢几款，其实系加多几蚊有埋杯饮品。佢有得储印仔，每$50就有一个印，一个月内储8个就可换当$50用，岩哂住系附近嘅人。