六合小巷 (已結業)

近排香港开左好多台湾夜市风的餐厅，朋友介绍北角电厂街的「六合小巷」气氛好好，食物种类都好多，一于试下先！😋餐厅泛黄既灯光，经典台湾流行曲、木系风格再加上一个小BAR 台，仲挂埋灯笼，真系好有怀旧既感觉，气氛亦都好舒服呢！🥳餐厅有好多经典台式小食，亦都有好多款式加左麻糬 （例如麻糬芭乐骨)，超吸引食欲！可惜当日无晒麻糬呢～今次食左一个主食，两份小食同一杯饮品🥢主食系原味牛筋面，牛筋有连少少肉，仲要系炆得超淋，极好食，难怪系推介食物份量亦好慷慨，最少食左5-6条牛筋呢！汤底有药材香味，感觉唔会好油，正亦有大量香茶同葱，岩晒我呢D 青友～😆另外叫左碟蚵仔煎，不过佢似蚝饼多D，唔会太湿立立，唔似台式个种好黏既感觉。我本身都钟意食蚝饼既脆口感觉，所以都几钟意😋仲叫左一份盐酥鱿鱼须，炸得好香口，再加味粉，自然系轻松清晒了👌🏻最后叫左一杯麻糬奶茶，店员刚送上既时候，用羹会笔到佢既麻糬，最可惜系我食晒所有野先饮，个阵已经融左，再见唔到麻糬，咀嚼唔到麻糬了，不过奶茶味道都刚好饮，唔会太甜😛今次黎未有机会试冷盘，但睇D 食物名都觉得会系心机之作，下次一定要试下😋😋