牛霸小麵店 (已結業)

心血來潮想食台灣野，路過周圍望下見到依間餐廳裝修幾簡潔又靚所以去食左🤣，岩哂去打卡。不過舖頭就係小路入面，要周圍望下，唔係可能會錯過左🤫。由於唔係好肚餓，我地兩個人就打算大家share食，小食多滋味阿嘛😆🤙🏻肉燥香蔥鹽酥雞排乾拌麵鹽酥雞排好大塊😍唔怕唔夠食🤣，炸既皮同肉質不過不失。乾拌麵唔會話冇水又硬咁，幾好入口，肉燥同味道方面唔會好似某D台灣餐廳咁重口，肉燥唔肥🤩。🤙🏻台灣夜市拼盤拼盤入面有台灣傳統小食，鹽酥雞，小香腸，仲有個豆腐。鹽酥雞唔知係咪放上台面耐左，我就覺得淋左😂🤣可能要早D食。個豆腐好值得一提，佢外皮係用章魚燒皮同料既做法，好好味😍似食緊章魚燒但係豆腐黎，比章魚燒更滑口。🤙🏻水蜜桃玉露丶茘枝玉露兩杯都有蘆薈係入面👍🏻但就冇相應既水果肉。味道上唔會話好重溝水同色素。我地叫小甜所以個甜度ok，水蜜桃果個反而重茶味，整體不過不失😆。