屋喔 (已結業)

听到亲爱的话好耐无去台湾旅行，解决燃眉之急当然系先去一间好味道既台湾餐厅，有老友报料话屋喔系铜锣湾金百利开左新分店，甘当然要实地考察下。相比起我地平时去开既中环店，新店既占地面积大好多，楼底好高而且座位宽敞，装璜极具现代化感觉，仲有挂画添。「凤梨糖醋鱼柳 $64」- 食落其实味道几似波萝生炒骨，但主角就变左鱼柳，上碟时仲系热辣辣的几有镬气，鱼柳炸得颇为香脆得黎但又唔会太厚炸粉。配上酸酸甜甜既酱汁，送埋白饭非常开胃。「台式糖芯蛋肉燥饭 $58」- 肉燥味香浓，猪肉既肥瘦比例适中，糖芯蛋带点微甜令口感层次更丰富，店家亦用上类似珍珠米质感既米饭，口感颇为烟韧，再连埋肉燥同少少咸菜送饭一流。整体感觉：价钱合理，店内环境同食物质素都不错，员工代客有礼。