犀牛犀牛 (京瑞廣場1期) (已結業)

又有新舖開張，又可以新野試😋 今次係台灣蛋餅專門店，因為新開張，所以餐牌上面有d野食都未有齊，就先試試佢地既吐司啦～《韓式醬燒牛五花吐司》生菜好新鮮，牛既味道醃得啱啱好，好味。《芋泥肉鬆蛋吐司》身為芋頭fans既我一見到有芋泥就叫左，芋泥同肉鬆都足料，不過就覺得甜左少少，食到尾有d漏😅《大甲芋頭鮮奶》本身想叫少甜，但店員話呢款無得揀甜度，芋泥同吐司入面d芋泥甜度一樣，好彩加左鮮奶甜度就變得啱啱好，飲落有芋香之餘又有細細粒既芋頭咬下，唔錯。另外, 好想讚下個外賣包裝, 個設計真係幾靚~