一起食堂 (威利廣場)

营业中

休息中

沿开源道直行到差不多尾段，比较近海滨公园，食饱可以去散步。🔸豆乳鸡乌龙面 $78少见既汤底‼️呈奶白色，中间有丝丝腐竹，饮落顺滑。鸡卷厚切，皮薄肉滑，中间带脂肪位，咬落软嫩。🔸花雕麻油鸡汤面 $78 ‼️推荐‼️好岩冬天食‼️ 另汤底加入唔少药材去煮， 如：杞子、桂圆同红枣，但饮落唔会好苦。另附上一杯花雕酒，花雕加麻油就系香气十足，饮落滋润暖胃。面底同样系乌龙面。🔸酥炸地瓜条 $38 ‼️推荐‼️有别一般美式蕃薯条，比较挺身带脆。台式炸法令炸衣酥脆而且薄，入面好似变左蕃薯蓉咁，入口即溶。🔸府城虾卷 $28黄豆外皮卜卜脆，饀料鱼浆软弹，证明冇加好多面粉，但如果可以比多条就好🥹🔸芋圆烧仙草 $32都几大碗，两人都够分。煮热仙草到快溶状态，饮落温暖甘甜。芋圆份量多，超级烟靭😂最中意芋头味，食到芋头颗粒，原材料味道较出。🔸黑糖姜母茶 （热）$18姜味适中，容易人口，仲加入桂圆去煲，又系冬天必饮。🔸仙草冬瓜茶（冻） $24仙草占左三分一杯🤤冬瓜茶唔会过甜，仲要成杯冇冰，只系雪冻，劲抵饮。