小胖台灣麵

营业中

休息中

小胖终于黎到元朗喇！小胖台湾面系千色地下开咗分店，以各式台湾面食为主打，装修干净企理坐得舒服，面控们又多个医肚好地方🍜店内用QR code落单，除咗传统牛肉面、干拌面同小食外，最欣赏就系台湾自选汤面系列，自行选择各有特色既汤底后再好似车仔面咁拣配料，DIY最啱自己既台湾面🥰🔸浓·纯·香牛骨汤面牛骨汤头浓郁，每一啖汤都有肉香，配上粗身有嚼劲台湾面🍜手切封门柳厚实味浓，古早味炒酸菜加一份咸香，台湾卤肉肥瘦适中，加埋只卤水蛋，份量好巨型！🔸花莲剥皮辣椒鸡汤面呢一款汤底本身已经有鸡柳同辣椒作配料，鸡汤清甜，同样配搭粗身面底。夜市排骨酥细细粒炸得香脆，软绵绵竹笙同硬身蜂巢冻豆腐吸汤力超强，更能品尝汤头鲜味🔸盐蒜四季豆拣咗蔬菜配搭大大大碗汤面，四季豆配上炸蒜同香葱一齐炒非常惹味，两个人分享刚刚好😍🔸珍珠奶茶、白桃珍珠乌龙茶两份饮品唔会太甜，茶味唔会俾盖过，每杯仲有大量烟韧珍珠！