沐白小農 (已結業)

农历年假，虽然话有多人去咗外地旅游，但系，其实周围都系好多人，因为有好多内地同胞和外国人来了香港，感受香港过年的气氛。今日下昼去咗荃湾路德围𠮶头扫街，𠮶头出晒名多嘢食、多嘢饮，仲可以见识一下两档豆腐花如何贱卖吸引游人排长龙添。我哋当然唔会同佢哋癫，浪费宝贵时间去排队食豆腐花。梗系去隔篱档台式饮品店饮好嘢啦。呢度有好多款台式饮品，冻热都有，即叫即制。一次过买咗三杯，分别系少冰少甜的黑糖波霸鲜奶和大甲芋头鲜奶，同埋热的金桔柠檬。急不及待要饮。【大甲芋头鲜奶】香芋味好特出，加埋香滑鲜奶，口感好滑，口腔充满牛奶和芋头味。【黑糖波霸鲜奶】呢杯系招牌货，唔饮唔得。个颜色好靓，系时下好流行𠮶种虎纹。虽然系少甜，但饮落都好黑糖味，甜度比一般的白砂糖更甜，但系多一重香甜味的。仲有，底下啲珠珠烟烟韧韧好正。【金桔柠檬】呢杯系专登外卖俾老豆饮的，因为佢呢轮有啲咳。饮呢杯金桔柠檬可以帮助佢清下喉咙开下声。佢饮咗之后，话金桔味超重。我解释，梗系啦，我亲眼见住个职员新鲜榨咗好多桔仔来冲呢杯嘢，绝对系真材实料，所以老豆把声已刻开番。下次，我喉咙唔舒服都要来呢度买番杯饮下，好过去买凉茶饮。