老鍋台式火鍋 (金馬倫道) (已結業)

同朋友倾开好冇无得去旅行，好挂住台湾嘅火锅所以朋友带咗我去尖沙咀呢间餐厅食台式火锅。我哋叫咗个酸菜白肉锅入边有好多配料包括有粟米，猪肉，冬菇等等食落个汤底酸酸地好开胃！盐酥一口豆腐超好食外脆内软配埋啲蒜蓉粒好香口！非常推介！老锅丸饺井字盘我哋选左台式蛋饺拼墨鱼丸，墨鱼丸食落非常之弹牙！个蛋饺都好好食台式火锅必点！手切安格斯牛小排雪花非常均匀唔会过肥或者过瘦肉质食落嫩滑非常值得一试！3秒响铃卷咬落非常之脆口而且热辣辣可以唔使浸汤食都得！应该系自家制唔系出边买返嚟𠮶响铃。贵妃蚌非常新鲜食落好脆口而且好鲜甜。老挝台湾面呢个台湾面可以有两种食法冻食或者系放落火锅都得，冻食沾上甜甜地嘅酱汁嚟食都几得意。冷泡白桃乌龙茶味道比较清淡，再浓少少会比较好啲。整体来讲这间店铺食物质素都非常高质值得再来。