牛品台式火鍋

营业中

休息中

天气开始转凉就系好想食火锅，一于约朋友嚟到尖沙咀呢间台式吃到饱火锅。火锅店非常整洁企理，座位亦好宽敞；除咗用QR Code点菜之外，自助区有好多选择，同埋refill得好密。 北投鱿鱼螺肉蒜锅见餐牌有限定新汤底推介，即刻试吓先！汤底清甜，鱿鱼同螺肉鲜味十足。 肉类拣咗「牛极品」套餐，加拿大顶级牛板腱肉味香浓、脂肪比例低；顶级美国肩胛肉相对就多啲脂肪，肉质较滑；精选美国牛胸腹纤维同筋膜较多，油脂够香；牛脷心托系近喉咙位置，厚切啖啖肉；西班牙栗饲猪梅肉脆口弹牙。 饺类台式火锅一定要点蛋饺！饺子皮劲香蛋味；阿在伯高丽菜猪肉水饺，高丽菜增加清爽口感。 小食类台式火锅嘅其中一个好处就系可以点台式小食。盐酥鸡、麻辣鸭血、炸地瓜丸等经典小食都唔错；特别欣赏皮蛋豆腐，酱油调味啱啱好；第一次食兰阳糕渣，外脆内软口感烟韧，加埋葱花同甜酱好好食。 自助Bar蔬菜同丸类都好吸引，refill速度快。其中花枝丸好弹牙爽口，亦食到粒粒花枝肉；香芋包心上贡非常惊艳！流心芋泥充满口腔不得了！饮品亦有海量选择，除咗一般罐装/支装饮品外，仲有自家制冷泡茶饮，白桃乌龙、洛神花茶、凤梨乌龙等等，蓝莓水果茶同薄荷绿茶都