養心殿台式養生鍋 (已結業)

话说屋企人想去打边炉，所以揾咗一间一直都好想食嘅台式火锅。环境古色古香!先叫咗一个美人锅汤底，汤底有滋阴药材，南枣、桃胶、原只竹丝鸡等等，汤底份量十足兼且够哂养生，啱晒妈妈嘅口味。手切牛肉可以见到牛肉油脂分布好平均，煮熟后肉质口感滑嫩，肥美适中，值得再点!千层冻豆腐冻豆腐唔系平时见到光滑表面咁，不过纹理细致，吸饱美人汤后非常的美味。蛏子蛏子王好大只又新鲜，食落爽口鲜甜!手工丸拼盘一共有6款共12粒，例如梅菜猪肉丸、芝士牛肉丸、黑松露虾丸、鹅肝丸等，个人认为黑松露虾丸唔错，香味非常突出兼且好弹牙。鲜甜三蔬有山药、秋葵同甜粟米饺子拼盘一共有6款12粒，有韮菜饺、鱼皮饺、鲜虾云吞等。个人最钟意麻辣牛肉饺！一咬超香辣椒味，牛肉肉汁亦涌出黎，而且饺皮带美人汤味。紫淮山面接近最后就当然要叫个面啦，所以就点咗呢个紫淮山面黎吸收汤底精华仲有紫淮山系健脾养肺，够哂养生～面质既爽又弹!杂锦蔬菜盘最后每人送一碗绿豆芋圆甜汤芋圆烟韧，绿豆汤清甜润一润，就算打完边炉都唔觉得热气～