饕鍋物 (已結業)

突然间行过好想打边炉，见价钱唔贵又几特别就入呢间餐厅，我地试左个豆腐美人锅with牛三角加土鸡腿，味道比较清，但反而食得出材料鲜味。任食火锅配料有d好特别，推介抺茶麻吉烧同芥辣鱼蛋，前者好似汤丸，入面有抺茶红豆，味道好夹；后者中间有wasabi，开胃刺激。小食有卤水猪手、鸡翼、蛋同豆腐，猪手就比较硬左少少，钟意”损”骨既朋友会好开心。豆腐个皮好摷，但系入面劲嫩滑，绝对可以一试。另外甜品都有惊喜，甜品有我最爱既芋圆，仲有好多其他配料，为一餐画上完美句号。