饕鍋物 (已結業)

之前经过见到新开张已经想来试，琴日终于有机会同男友来试试。天气炎热，走来打边炉，热上加热😅😅来到店员会介绍menu, 188一位，无加一。汤底可以拣一款或两款鸳鸯。我哋拣咗三杯鸡同鸭血麻辣汤。三杯鸡汤都唔错，鸡肉几好味。但鸭血汤就⋯⋯本身见系麻辣先拣，结果食第一啖就有种讲唔出嘅苦味。辣就有辣味，不过完全无香味。结果我哋放弃咗一边汤底。😅🤦🏻‍♀️酱料都算多选择。不过我哋拣嘅汤底都比较浓味，基本上都无点过酱汁。下次应该拣个清淡啲嘅。另外每人可拣一款肉类，唔系任食。我哋两个人所以拣咗猪肉片同牛肉。摆盘几靓，食材睇落都算新鲜。一开始会上晒蔬菜同海鲜各一盘，之后可以再点。某啲食物需要另加钱，基本上算系半放题。188套餐包一杯特饮，之后每人加十蚊可以任饮。紫色嘅系潘多拉盒子，味道唔错，见到好多人点。台式小食可无限添加，一开始都会上一碟咩都有啲。食咗想食可以再点。另可拣主食，每人拣一款。我哋拣咗担仔面同鲁肉饭。两款味道都唔错，肉燥几好味，颇有台湾的风味。最后以甜品结尾，都系每人一款。黑糖杂锦芋圆＆云尼拿雪糕。芋圆几好味，啱晒所谓嘅“像皮”喜爱者。不过下面嘅冰唔系沙冰，而系冻到一嚿嚿。🤦🏻‍♀️🤦🏻‍♀️