圓鐵板燒

营业中

休息中

台湾抵食铁板烧，喺新港中心地下food court位置，food court谂唔到食咩又想坐得舒服，呢间就系不错嘅选择我要写两篇。价钱相宜，有套餐散嗌，自己一个都可以很尽兴。临近圣诞节做紧套餐牛之盛盒，有三款和牛海鲜炒饭仲可以加野饮，餐厅格局似系台湾铁板烧形式，铁板圆台厨师企系中间可以睇住佢一路烧一路食，餐厅职员一嚟到已经好有礼貌仲俾我哋拣坐边度。前菜有汤同埋炒生菜，之后就到戏肉和牛。宫崎和牛 120g、美国安格斯 120g、澳洲和牛 120g配：黑椒粒、蒜粒、黑松露盐三款和牛配三款酱汁，日本美国澳洲和牛，拣咗七成熟 ，美国安格斯肉质比较结实，本人就比较钟情于宫崎和牛，肉质鲜嫩牛味重。京烧比目鱼扒配杂菜比目鱼烧得脆身，油份充足鱼肉滑，配菜西兰花冬菇粟米仔全部都好好食。牛油烧汁阿根廷红虾黑椒鲍鱼有四只大虾配两只鲍鱼，鲍鱼一啲都唔韧，上面敦左少少蒜头䓤。虾肉新鲜大只，份量足够。和牛炒饭 炒饭粒粒分明，香味扑鼻，本身唔食饭都忍唔住要食晒 。伯爵茶/ 焦糖咖啡蛋糕细细件嘅蛋糕完美嘅ending。饮品仲可以拣珍珠奶茶，完全系台湾会去食嘅铁板烧。