你妳 (已結業)

粉红色外表嘅门面，以为净系卖台式饮品，原来有小食同正餐选择，喺我屋企行过去都唔使5分钟，今日唔想出街食所以买完外卖便返屋企。佢哋选择都几多元化，特色吐司、面、饭都有好多唔同嘅变化，$48起，价钱还算适中。铁板牛肉吐司玩松露酱及炒蛋，铁板牛肉加咗少少黑椒落去炒，牛肉份量都唔少，少少辣但系可以接受，整体份量都几足够。铁路便当卤肉饭配一口盐酥鸡、台湾士林香肠及台南海鲜迷你虾肠，味道算正宗，盐酥鸡放喺饭盒十分钟都唔会觉得太淋，白饭份量有啲多差啲食唔晒。三层五花肉干拌面配澎湖花枝丸及香芋海鲜饼，五花肉纹理肥瘦分明，腌制亦入味，唔会太肥。花枝丸及海鲜饼水准都唔错。白桃绿茶、葡萄柚乌龙茶及茉莉绿茶，几杯都唔错，白土绿茶白桃味比较香浓。