滷友記 (加路連山道) (已結業)

今次就去咗銅鑼灣加路連山道嘅滷友記。位置於銅鑼灣地鐵站F1出口，向利園山道方向行5分鐘就到滷友記以台式滷味聞名！店內的裝修設計，充滿台式嘅古早風味，家具已懷舊木製為主，牆身油上水泥色的牆壁，充滿懷舊的台式情懷。今次我哋點左以下食品： 🌟 老友牛三寶米粉 $68（三寶包括金錢肚，金錢展同牛筋）三寶經過清洗後，用滷汁煮熟，滷汁由醬油、糖、香料等多種調味料熬製而成，味道鮮美。再配埋佢哋個手造爽脆米粉同自家製辣椒油，Mina爸話三寶煮得好入味，Mina就最愛食佢哋的手造米粉，食完1碗唔夠，仲要叫佢爸爸再餵佢。🌟招牌大滷麵 $66（五花肉、陳皮魚蛋、豆腐、蘿蔔）五花肉肥瘦相間，肉質鮮嫩多汁！但由於陳皮魚蛋無貨，所以服務員換左甜不辣俾我，但味道都好味，帶小小點味，口感比魚蛋腍。蘿蔔、豆腐經過長時間燉煮，吸收了滷汁的美味，每咬一口都充滿滷汁嘅香濃。