影片
更多
2024-01-19
363 浏览
今日收工同屋企人嚟到将军澳呢度食台湾嘢，就即刻谂起老妈拌面，嚟到门口见门面非常之大，座位都阔落坐得舒服。睇咗好耐餐牌，最后都拣啲秋冬限定套餐。😋西红柿慢煮牛肋条锅套餐 $110锅物下有火热住，唔怕冻咗。牛肋条非常之软腍嫩滑，一啲都唔韧，配蕃茄的香甜，拌饭一齐食好夹，小朋友或老人家食呢个餐都非常合适。😋台式半筋半肥牛清汤葱油拌面套餐 $102个面来到已闻到好香的葱油味道，首先饮咗一啖清汤，肉味浓而不浑浊，之后我会滗少少汤落个拌面度一齐捞匀食。牛肉煮得刚刚好熟，唔韧，牛筋又煮得软腍腍，套餐仲有凉拌辣莲藕作为开胃小食。😋百香水果国宝茶，套餐 加$20有柠檬同百香果，特别清新好饮。😋玫瑰洋甘菊花茶，套餐 加$30 美容之选！好香的洋甘菊，天气冻饮花茶真系非常适合，另配有蜜糖，可以自行调配甜度，加少少落花茶反而更带出花茶的甜香。🍦套餐另有甜品雪糕，系牛奶公司云呢拿味雪糕。🍮另一个餐加$28转黑糖珍珠奶茶布丁🧋好味，我抢来食，布丁震震下好有动感。餐厅职员加水，要纸巾同要多套餐具都会好快提供，埋单都好快搞掂。呢日平日晚餐时间都9成满座，不时见门口有人排队，不过见都唔会等得耐，可能就系职员够爽手。仲有
今日收工同屋企人嚟到将军澳呢度食台湾嘢，就即刻谂起老妈拌面，嚟到门口见门面非常之大，座位都阔落坐得舒服。
睇咗好耐餐牌，最后都拣啲秋冬限定套餐。
😋西红柿慢煮牛肋条锅套餐 $110
锅物下有火热住，唔怕冻咗。牛肋条非常之软腍嫩滑，一啲都唔韧，配蕃茄的香甜，拌饭一齐食好夹，小朋友或老人家食呢个餐都非常合适。
😋台式半筋半肥牛清汤葱油拌面套餐 $102
个面来到已闻到好香的葱油味道，首先饮咗一啖清汤，肉味浓而不浑浊，之后我会滗少少汤落个拌面度一齐捞匀食。
牛肉煮得刚刚好熟，唔韧，牛筋又煮得软腍腍，套餐仲有凉拌辣莲藕作为开胃小食。
😋百香水果国宝茶，套餐 加$20
有柠檬同百香果，特别清新好饮。
😋玫瑰洋甘菊花茶，套餐 加$30
美容之选！好香的洋甘菊，天气冻饮花茶真系非常适合，另配有蜜糖，可以自行调配甜度，加少少落花茶反而更带出花茶的甜香。
🍦套餐另有甜品雪糕，系牛奶公司云呢拿味雪糕。
🍮另一个餐加$28转黑糖珍珠奶茶布丁🧋
好味，我抢来食，布丁震震下好有动感。
餐厅职员加水，要纸巾同要多套餐具都会好快提供，埋单都好快搞掂。呢日平日晚餐时间都9成满座，不时见门口有人排队，不过见都唔会等得耐，可能就系职员够爽手。
仲有好多其他秋冬台式锅物套餐、二人套餐同埋儿童套餐，一家大细都满足到。😋
张贴
