影片
更多
2021-01-15
5433 浏览
当想打边炉个时，但又要烦咩汤底、约几多人去食个时，呢个时候一人锅就系好好既选择。呢间台式既一人锅，招牌系台式既臭臭锅，呢样系台湾好常见但香港好罕见既野食，系尖沙咀既金巴利道就食到。-🍲️⃣ 招牌臭臭锅 💰88(午市)（👅: 7.5/10）有四种辣度可以拣，火锅可以拣配饭或者粉丝，拣咗唔辣同粉丝。点蜡形式，煮到咁上下会熄火，个人觉得时间系足够。麻雀虽小，五脏俱全。呢个锅入面有好多食材，包括娃娃菜、白豚肉、臭豆腐、台式贡丸、米血糕、大肠、鸭血、沙白、鹌鹑蛋、蕃茄、榨菜丝、韭菜、金针菇、鸣门卷、炸枝竹、粉丝。首先讲呢个锅既主角，臭豆腐，呢种唔会好似香港个种油炸，臭豆腐既味一上枱个时闻唔到，要煮滚左个煲先闻到，闻到小小臭味但无香港咁夸张，唔知系咪迎合香港人怕人会对传统臭豆腐反感，餐厅都无话充斥住臭豆腐既味，食落算香口。之后比较出色既系台式贡丸，大粒咬落弹牙，会食到一粒粒冬菇。沙白，即系白蚬，够新鲜。米血糕偏腍，有台湾既味道。猪大肠咬落系腍，入味，不过我自己本身唔太钟意食猪大肠。白豚肉份量多，不过肉质偏鞋D。榨菜丝既味已经入哂汤入面，所以唔会话食到好咸，咬落都爽脆。其他𩠌就正常，份量够大份正常人应该
当想打边炉个时，但又要烦咩汤底、约几多人去食个时，呢个时候一人锅就系好好既选择。
呢间台式既一人锅，招牌系台式既臭臭锅，呢样系台湾好常见但香港好罕见既野食，系尖沙咀既金巴利道就食到。
-
🍲️⃣ 招牌臭臭锅 💰88(午市)（👅: 7.5/10）
招牌臭臭锅
$88
186 浏览
2 赞好
0 留言
有四种辣度可以拣，火锅可以拣配饭或者粉丝，拣咗唔辣同粉丝。
点蜡形式，煮到咁上下会熄火，个人觉得时间系足够。
麻雀虽小，五脏俱全。呢个锅入面有好多食材，包括娃娃菜、白豚肉、臭豆腐、台式贡丸、米血糕、大肠、鸭血、沙白、鹌鹑蛋、蕃茄、榨菜丝、韭菜、金针菇、鸣门卷、炸枝竹、粉丝。
招牌臭臭锅
$88
121 浏览
2 赞好
0 留言
首先讲呢个锅既主角，臭豆腐，呢种唔会好似香港个种油炸，臭豆腐既味一上枱个时闻唔到，要煮滚左个煲先闻到，闻到小小臭味但无香港咁夸张，唔知系咪迎合香港人怕人会对传统臭豆腐反感，餐厅都无话充斥住臭豆腐既味，食落算香口。
之后比较出色既系台式贡丸，大粒咬落弹牙，会食到一粒粒冬菇。
沙白，即系白蚬，够新鲜。
米血糕偏腍，有台湾既味道。
猪大肠咬落系腍，入味，不过我自己本身唔太钟意食猪大肠。
白豚肉份量多，不过肉质偏鞋D。
榨菜丝既味已经入哂汤入面，所以唔会话食到好咸，咬落都爽脆。
其他𩠌就正常，份量够大份正常人应该可以食，因为每样𩠌都会有几旧，我自己食左7/8成就食唔落。
招牌臭臭锅
$88
157 浏览
1 赞好
0 留言
粉丝本身系锅会有小小，再加配既粉丝，几入味。
汤睇落清但够味，会有食材带来既甜味。
每枱都会有一份酱料，有豆瓣酱、沙茶酱、蒜蓉、辣椒酱、豉油，餐厅推荐既比例系3:2:1(豆瓣酱/沙茶酱:豉油:蒜蓉) ，但咁样调应该会比较咸。
-
🍲️⃣ 芝士牛奶锅💰88(午市)（👅: 7.5/10）
芝士牛奶锅
$88
87 浏览
1 赞好
0 留言
同样有好多食材，包括娃娃菜、白豚肉、日本南瓜、心型鱼豆腐、麻吉烧、沙白、香菇、蟹柳、金针菇、炸枝竹、鸣门卷、鸡蛋、乌冬、芝士片、蛋饺同黄金鱼籽球。有几样臭臭锅既𩠌会无，多出黎既有日本南瓜、心型鱼豆腐、麻吉烧、香菇、蛋饺、黄金鱼籽球。
心型鱼豆腐卖相特别，食落豆腐都算滑。
蛋饺算皮薄不过会好容易煮腍左，同个汤几夹。
麻吉烧食落表皮似鱼腐，入面系年糕，咬落烟韧。
汤底呈奶白色，上面有一块芝士，经过高温会慢慢溶系火锅入面，食到淡淡既奶味，浓度适中，芝士味唔算太出，钟意牛奶味应该会钟意。
会见到锅有生蛋，搅开佢会有蛋花。
锅入面本身有乌冬份，加埋配既饭/粉丝其实份量够多会食到饱。
-
🍹冻茉绿茶/冻泡沬红茶
冻茉绿茶/冻泡沬红茶
80 浏览
1 赞好
0 留言
另外会配唔驶加钱既野饮，有冻茉绿茶同冻泡沬红茶，我觉得食火锅配茶唔错，解渴，茶唔甜会有小小苦涩味，苦尽回甘，饮完会觉得食火锅无咁heavy。
-
🌟以午市黎讲 88+1食到份量咁多既一人锅系非常抵食，除左尖沙咀铜锣湾都有分店，味道就正常无话特别好食但都唔难食，想过火锅瘾、或者想试臭臭锅但又唔可以接受咁臭既臭豆腐可以黎一试。
-
👅味道: 7.5/10
🍴环境: 7/10
💰消费: $88 (服务费: 10%)
张贴
