影片
更多
2018-08-29
61 浏览
旺角呢间汤.米并唔系食粉面嘅汤米，原来系SOUP & RICE嘅意思，呢度系食台式臭臭锅架，即系有锅、有汤又有饭。晚市时间店内坐满晒人，我地喺门口等左5-10分钟，好彩今日天气唔热，又无落下雨。臭臭锅共有9款选择，肉类、海鲜、药膳、咖哩、味僧等等，梗有一款啱你心水。另外仲有台式小食及多款臭臭锅配料供应，想食边样就加边样啦。呢度饮品系主打茶类，有水果茶、特调茗茶、芝士奶茶、纯茶等等，款款都咁有特色。先上场嘅系沙茶牛肉锅，上层铺满牛肉，下面仲有豆腐、冬菇、炸鱼皮、炸枝竹等等，沙茶酱料做汤底，特别惹味，而且份量都算大，材料又丰富，装满整个锅。而且每个锅都附送一碗白饭或一个粉丝，保证够饱肚。另外，当然要叫佢地嘅招牌臭臭锅啦，汤底带点辣味，零舍醒胃，加上招牌臭豆腐，更觉美味。呢个臭臭锅我就选择左加$12升级卤肉饭，面层淋上满满肉酱，非常吸引我地仲ORDER左柚子鸡翼同盐酥鸡扒，两款小食都炸得松脆香口，特别系鸡扒嘅盐酥味令人想起好似去左台湾夜市，风味十足。$26有大大杯珍珠奶茶，茶味香浓加上Q弹嘅珍珠，满有口感。而旁边呢杯超级水果绿研，杯里水果材料丰富，色彩缤纷，打开杯盖可以食到西瓜及其他水果，有
呢度系食台式臭臭锅架，即系有锅、有汤又有饭。
晚市时间店内坐满晒人，我地喺门口等左5-10分钟，好彩今日天气唔热，又无落下雨。
臭臭锅共有9款选择，肉类、海鲜、药膳、咖哩、味僧等等，梗有一款啱你心水。
另外仲有台式小食及多款臭臭锅配料供应，想食边样就加边样啦。
呢度饮品系主打茶类，有水果茶、特调茗茶、芝士奶茶、纯茶等等，款款都咁有特色。
先上场嘅系沙茶牛肉锅，上层铺满牛肉，下面仲有豆腐、冬菇、炸鱼皮、炸枝竹等等，沙茶酱料做汤底，特别惹味，而且份量都算大，材料又丰富，装满整个锅。而且每个锅都附送一碗白饭或一个粉丝，保证够饱肚。
另外，当然要叫佢地嘅招牌臭臭锅啦，汤底带点辣味，零舍醒胃，加上招牌臭豆腐，更觉美味。呢个臭臭锅我就选择左加$12升级卤肉饭，面层淋上满满肉酱，非常吸引
我地仲ORDER左柚子鸡翼同盐酥鸡扒，两款小食都炸得松脆香口，特别系鸡扒嘅盐酥味令人想起好似去左台湾夜市，风味十足。
$26有大大杯珍珠奶茶，茶味香浓加上Q弹嘅珍珠，满有口感。而旁边呢杯超级水果绿研，杯里水果材料丰富，色彩缤纷，打开杯盖可以食到西瓜及其他水果，有益好味仲好解渴添。
张贴
