茶茶台式料理 (已結業)

一行2人夜晚热门时间7点几到达，现场只有两三成满，坐低之后用QR code落单，价钱相宜，主打台式风味。今次主要试平民D既台式食物，睇下有无特别同惊喜！首先落单order左两份主食，一份葱油盐稣鸡面，一份麻酱手撕鸡面。先讲监稣鸡，食落几滑，略缺鸡味，雪藏货色，面底爽口唔错，整体面底较为出色。另一份麻酱手撕鸡面亦以面底较优胜，手撕鸡量略嫌不足及细旧，出餐时厨房亦忘记加麻酱。虽然麻酱系超市货色，但加酱后整体味道有所提升，配合少辣后味道能有所互补，如有凉拌选择味道应该更佳！小食要左盐稣鸡配台湾肠同葱油饼，监稣鸡份量十足，脆口唔会太硬，台湾肠配蒜片一齐食风味更佳，葱油饼唔太油腻，葱香特出。饮品方面叫左果茶同奶茶各一，奶茶选择唔多，同坊间无咩分别，果茶选择会较多，建议大家可试。埋单时8点几，已经坐满，整体性格比不俗，为到1个人百零蚊落楼，系旺区算系唔错，大家可以值得试。