喵一下 (已搬遷) 新店位置

夜晚约咗朋友喺中环食饭，但系我又早左少少，就谂住入餐厅先。估唔到呢间餐厅好似书店咁，环境好清静，比客人喺度静静地睇下书，食下饭，好有艺术嘅气息。等朋友期间，我都拎咗一本关于咖啡嘅书睇下，打发时间。都朋友嚟到喇，我哋不约而同四位都拣咗熏鸡乌龙茶渍饭。其实之前我已经试过㗎啦，对于呢个茶渍饭十分欢喜，所以决定再食多次。用乌龙茶叶去熏过嘅鸡肉有淡淡的茶香，在慢慢渗出鸡肉嘅油香味。用乌龙茶同其他材料制成嘅汤底放喺茶壶里面，做法得意。将汤底由茶壶倒入饭碗，可以按照个人喜爱落几多都得。我钟意个汤底几清甜，因为有乌龙茶嘅关系，好清香。夹埋鸡肉一齐食，中和熏鸡嘅咸香，啱啱好。而我自己都几钟意伴碟嘅青木瓜丝同埋小蕃茄，酸酸甜甜咁，感觉好清新。用来做前菜，或者食完饭之后清一清口腔嘅味道都唔错。