翰林茶館 (已結業)

系尖沙咀同朋友行街行到攰又热，好想揾个地方坐低歇下脚，饮下野倾计。翰林茶馆不失为一个好地方，好推介。翰林茶馆主打台式料理，咁当然一定要叫既台式饮料就系珍珠奶茶啦。呢到有个好特别台式饮料叫咗熊猫珍珠奶茶（少甜），原来即系黑白珍珠，黑珍珠系正常size而白珍珠系比较细细粒，咬落烟烟韧韧，一次过有两种size珍珠好有咬感，不过茶味唔算太重，但份量都算大杯。另外我地仲叫咗小食填下肚，分别系台式炸鸡块（4件)同埋卤味豆腐。炸鸡块既炸粉唔算厚，热辣辣香脆可口，不会满口油腻感，食得出有浓味既腌料，几惹味。伴碟既沙律菜系有芝麻酱系上面，唔系用嚟普通伴碟咁简单。另外卤味豆腐系原旧豆腐上碟，都几特别。微热既豆腐，滑嫩加埋卤味汁同香葱，都唔错。