臺坊 (加拿分道) (已結業)

今日天气真系好热 去到尖沙咀附近想食少少嘢 就喺厚福街街口转角位见到呢间台式店有蛋饼就即刻冲入去食啦 点左个芝士＋烟肉蛋饼佢仲有啲冷面食 下次可以试下佢个麻辣鸡丝冷面 饮品方面加几蚊就有珍珠奶茶都唔错呀不过因为今日真系太热喇 所以就叫咗杯百香果芦荟绿茶爽下 大概等咗一阵 就有蛋饼食 真系好怀念台湾嘅味道呀 蛋饼已经切好咗四份 方便夹嚟食 馅料非常充足 芝士仲可以拉丝添 啲芝士多度睇唔到其他馅 好满足 蛋饼个外皮做得刚好唔会太厚粉雷雷咁 自己试过喺屋企整可能粉落得太多好厚好难食 然之后再加埋入边嘅芝士同烟肉😋 食完再饮返啖百香果芦荟绿茶解返饱饱滞滞嘅感觉佢仲有自助点餐机方便食客 自己慢慢睇慢慢拣添