幸福鍋 (已結業)

2023年1月10日 星期二又到左新一年，希望可以尝试多啲新嘅餐厅，食多啲美食，而今日早左收工，就去左西湾河食下午茶虽然知道太安楼有好多美食，不过今日就想试吓食台湾嘢，所以就嚟左幸福锅，之前都曾经嚟过食lunch，性价比唔错，所以又再嚟食下午茶入到去坐低睇返餐牌发现午市餐牌同下午茶餐牌完全唔同，多咗好多小食，而且睇图片卖相仲好吸引添，价钱唔算太贵，包埋饮品，最后我要咗两款小食，再加钱升级要台式甜品等左大约10分钟左右，食物就开始陆续送到，首先嚟嘅系古早芋泥肉松蛋饼，果然同餐牌上嘅图片一样精致，蛋饼唔系金黄色，食落去好烟韧，有咬口，而且里面有好多肉松同芋泥，味道唔算太甜，感觉好满足，啱晒钟意食芋泥嘅朋友之后当然唔少得有台湾嘅出名小食，士林盐酥鸡，每一旧鸡块都好大粒，而且炸得好香脆，但系里面嘅鸡肉仍然保持嫩滑，仲有外面加上调味粉，食落去更加惹味最后我专登升级要咗个台式甜品，黑糖昌球三色芋圆，因为好耐冇食过芋圆，所以突然间好想食，每一啖都食到好多配料，分别有三色芋圆、仙草、昌球等等，芋圆整得好烟韧，食到有芋头嘅香，昌球本身就冇味嘅，所以餐厅加上咗黑糖，令到整体味道更加香甜，但系又唔会过甜，整