阿杏飯團 (文咸東街)

营业中

休息中

之前喺网上面已经见到好多人介绍阿杏饭团，经过上环见到佢哋开咗新铺，即刻入去睇吓。阿杏装修好别致，有一棵粉红色嘅樱花树，仲有一个千秋（虽然我谂冇人真系会坐喺千秋到食嘢）令人有一种温暖嘅感觉，我买咗一个「新宿烧汁牛扒饭团」试吓。饭团系用黑糯米包住生菜、菜脯、油炸鬼同埋牛肉。虽然话系牛扒饭团，但系食落去同睇落去，其实都只系牛肉，而且肉嘅份量颇少。不过整体来讲，卖相吸引，黑糯米软绵，口感丰富，味道亦唔错。所以，如果食厌咗日式饭团，想转下口味，试吓阿杏嘅台式饭团都可以。