阿杏飯團 (富華中心商場)

营业中

休息中

夜晚嚟到荃湾站附近揾食，最近食啲有啲油腻 ，谂住食light少少。 见到阿杏饭团，主打果茶同埋饭团，就抱住尝鲜嘅心态去试下。餐厅只提供外卖，冇堂食。 我哋要咗一个芝士鳗鱼饭团，一个咸蛋鸡扒饭团，一杯橙意满满同埋一杯紫薯玫瑰露。佢哋嘅饭团系热食嘅。 饭团非常之厚实， 同一般食开嘅饭团唔同，佢哋采用较为黏糯嘅紫糯米，外面用紫菜包住。 即使咬落去都唔会出现啲米饭唧晒出嚟，散晒嘅情况， 唔会话食得好狼狈。 配料有鳗鱼，沾有沙律酱嘅生菜， 火腿，肉松同埋油炸鬼， 食落口感非常之丰富，酱汁唔会话过稀以致咬落四溢。 饭团望落虽然细，但食落比想像中更为饱肚。 男士食一个饭团再配杯嘢饮啱啱好。咸蛋鸡扒饭团食落同预期中有啲出入。 原本以为里面有好似咸蛋黄酱炸鸡咁嘅嘢馅料，食落蛋黄唔算特别咸 ，个人更钟意芝士鳗鱼饭团❤️橙意满满带有少许橙味， 饮落几fresh带啲微酸。紫薯玫瑰露叫咗半糖，饮落带啲玫瑰味， 甜度啱啱好。埋单一百三十蚊左右， 平日经过荃湾站嘅不妨嚟试一试。