沐白小農 (已結業)

依家香港周街都充满台式饮品，真系开到成行成市，今日我嚟到元朗，见到有间沐白小农，见到佢都系嚟自台湾，觉得品种多好多，一于叫番杯嚟试吓先。呢度嘅选择十分之多，除咗有招牌黑糖波霸鲜奶之外，仲会有好多特色嘅饮品，例如先豆乳，拿铁，鲜奶，仙草，红豆，布甸等，因应唔同嘅喜好，都可以加入，而且冰，糖，热饮冻饮，嘅选择都可以以个人嘅喜爱去选择，真系好贴心适逢今日系周日，人流都颇多，落左单之后，就企埋一边等下先，店员态度有礼，而且10分友善，仲会推介佢哋边啲产品系招牌，真系好值得称赞啊。大甲芋头鲜奶，用料充足，有半杯都系芋头，饮之前搅匀佢，口感十分之丰富，而且芋头幼滑，又食到一粒粒嘅芋头，十分之有口感，而且味道唔会太甜，又够浓郁，真系啱晒芋头控，至于鲜奶，香滑香浓，而且呢度标榜嘅系百分百天然无添加，所以食得十分之放心。招牌黑糖波霸鲜奶，波霸够晒弹牙，入口充满口感，而且甜度足够，但系配上鲜奶，就会中和返，反而啱啱好，所以大家饮嘅时候都应该要搅匀左先，