籠町茶番 (已結業)

今日陪老婆去旺角中心行街，间间都卖女人嘢，我就系三陪（陪佢拣，陪佢买同陪上我的钱），当游云游到一个点嘅时候，居然比我见到间新嘢，就系＂茶番＂喇！舖面颜色好户外嘅感觉，木色配绿色，好有茶嘅感觉。(讲下笑自娱下啫！) LEE个时候点都买杯嚟试下，顺便醒醒神。拣嚟拣去… 拣咗LEE杯＂京都抹茶加配抹茶布丁＂，因为好少见这款所以试下。用抹茶做茶底唔系第一次饮，但佢同其他地方饮到嘅口味系有大分别的，甘甘地甜甜地，抹茶味好浓郁，浓到好似饮到茶粉嘅感觉，当然唔系一粒粒粉啦！而佢嘅抹茶布丁有同样感觉，好浓郁的抹茶味之外，有口感，滑得黎又有同一种粉粉的感觉，口感好特别，真系好美味，以后又多一间珍珠奶茶比我拣啦！