馬祖台灣養生湯麵館 (和安里)

营业中

休息中

以前喺中环返工食lunch成日嚟呢度都排晒长龙，估唔到周末嘅晚上无咁繁忙。以中环地段嚟讲价钱合理，更何况附近只有少量米线舖，相比起呢度就成为高质米线店🤣。药膳农场醉鸡（$67）- 个汤底真系好好饮，带有红枣嘅清甜，忍唔住饮晒个汤。鸡肉好嫩滑，份量够多，仲有云耳为配料。香辣养生汤农场鸡（$66）- 本身我就好钟意食辣，但因为佢个养生汤实在太好味，加咗辣油后竟然变得有啲油腻，所以我会建议走辣去饮佢嘅真材实料汤底。上汤花枝丸（$48）- 个上汤就系米线个汤底所以好好饮。总共有五粒花枝丸，全部都大大粒，咬落去仲去弹牙，可惜有啲失望食唔到墨鱼肉。荔枝乌龙茶（$20） 同麦精（$8）