御升台之源 (已結業)

今晚约左个住元朗既朋友食饭，佢拣左呢间「御升台之源」，位于形点1期，西铁站一出就系，劲方便！台式餐点选择多，价钱相宜，好抵食！麻辣蕃茄红烧牛肉面 汤底浓厚带麻辣香，饮落有牛肉香味，加入蕃茄酸辣又开胃！红烧牛肉软腍唔干柴，面条烟韧爽滑仲好挂汁！追加卤豆腐，厚度十足，嫩滑入味。盐酥鸡肉燥饭鲜嫩多汁既盐酥鸡好惹味，肉质软嫩Q弹，口感酥脆！配以细致甘甜又咸香既肉燥，拌饭一流，劲惹味！！套餐小食拣左酥炸花枝丸、麻辣凉拌猪耳，大大粒花枝丸香酥弹牙，咬开鲜嫩多汁；凉拌猪耳脆韧有嚼劲，富含胶质、鲜香不腻。夜市小食拣左台湾香肠同美味甘梅地瓜，台湾香肠肥瘦适中，咸香十足，口感厚实，金黄色卖相好吸引，咬开系绵密细致既地瓜，正。珍珠奶茶Q弹软绵既珍珠好有咬口，奶茶馥郁好顺口。百香果绿茶绿茶清香解腻，配百香果酸酸甜甜好滋味。甜品拣左两款：芋圆仙草冻配红豆、薏仁、紫薯泥球芋圆仙草冻配红豆、爆珠、芋泥球仙草柔软嫩滑，芋圆烟韧Q弹，红豆绵滑、薏仁爆珠都好有咬口，紫薯泥球香甜、芋泥球入口顺滑。