影片
更多
2024-06-27
3441 浏览
今日收工约咗好耐冇见嘅朋友食饭，去咗一间喺铜锣湾时代广场对面楼上嘅打边炉，我哋咁啱星期五去，需要拎筹号排队，最后都等咗起码30分钟先入去，可能因为我哋两个人嘅关系，两个人枱好似比较快，餐厅嘅位置非常方便位于铜锣湾广场对面，如果喺铜锣湾地铁站行出去嘅话就最好选择A出口，行出去大概我估都系5分钟距离，见到有一个大堂搭䢂上去就系，位置嚟讲真系非常方便，适合朋友同埋家庭聚会，因为附近都有得泊车，绝对方便！✔️餐厅分咗熟食区，酱油区，自助食品区，饮品区，其余嘅食物就系用QR code落单，code通常都系叫肉类海鲜同埋甜品。整体嘅都非常方便，而且可以省却到人手，令到成个流程更加快，呢一个位做得几好，而且食物都非常快送到，绝对唔会好慢，餐厅用咗送餐机械人，非常搞笑！✔️饮品区非常多种类唔同选择，当然有大家最钟意嘅汽水，亦都有餐厅自家制嘅酸梅汤，同埋一啲自家制嘅冷泡茶，我同朋友就选择咗冷泡茶，炎炎夏日，最适合饮啲冻嘅嘢，亦都非常配合火锅嘅味道，清清地我哋拣咗白桃乌龙，亦都有唔同茶嘅选择，大家可以随意选择！✔️熟食区就非常有惊喜，彷佛好似反左台湾嘅夜市，有即制芋蓉蛋饼，盐酥鸡地瓜球，虾饼，仲有角色各类嘅台湾
✔️餐厅分咗熟食区，酱油区，自助食品区，饮品区，其余嘅食物就系用QR code落单，code通常都系叫肉类海鲜同埋甜品。整体嘅都非常方便，而且可以省却到人手，令到成个流程更加快，呢一个位做得几好，而且食物都非常快送到，绝对唔会好慢，餐厅用咗送餐机械人，非常搞笑！
✔️饮品区非常多种类唔同选择，当然有大家最钟意嘅汽水，亦都有餐厅自家制嘅酸梅汤，同埋一啲自家制嘅冷泡茶，我同朋友就选择咗冷泡茶，炎炎夏日，最适合饮啲冻嘅嘢，亦都非常配合火锅嘅味道，清清地我哋拣咗白桃乌龙，亦都有唔同茶嘅选择，大家可以随意选择！
✔️熟食区就非常有惊喜，彷佛好似反左台湾嘅夜市，有即制芋蓉蛋饼，盐酥鸡地瓜球，虾饼，仲有角色各类嘅台湾卤水，我食左佢嘅卤水牛肚非常好食，好入味！熟食区隔离会有一个细细地嘅雪柜入边亦都有唔同嘅小食例如冻嘅麻辣青瓜，麻辣带子裙边，中华沙律等等嘅小食
✔️肉类每一碟大概有三至四件，不过放心系随便叫随便食，所以大家尽量尽力而为！唔好浪费食物！我哋就叫咗起码每款都有10碟，味道都几好食，而且牛肉嘅油花分部都几好，绝对唔会咬落去成口油，我哋拣咗酸菜白肉汤，汤底嘅味道亦都唔会好差，钟意食酸菜白肉嘅朋友都可试吓叫呢一个汤
整体评分，我会觉得都几抵食，不过呢一个价位都系少少中上，我哋拣咗最平嘅餐，都系要大概330，不过呢一区嘅整体价钱都唔平，所以都系差唔多价钱，大家不妨都可以试一试。
张贴
