養心殿台式養生鍋 (已結業)

有人话星期三特别难挨，经过两日烦重嘅工作，去到卡住喺中间嘅星期三，仲有两日先到weekend，好难挨。为咗令星期三无咁难挨，我哋两个决定嚟一个「味觉出走」，选咗主打台式火锅嘅将军澳养心殿台式养生锅，边听周杰伦嘅歌，边食台式麻辣火锅，特别有Feel！麻辣锅我哋拣咗台式麻辣锅，刺激一下味蕾。麻辣锅有多种药材同香料，一打开𠮶盖就有阵阵辣椒麻香。最正系锅入面有鸭血同冻豆腐，鸭血细嫩爽滑，冻豆腐就吸晒汤底嘅精华，非常入味。大家嫌鸭血唔够，唔洗担心，麻辣锅底仲奉送鸭血一份，包保你食个够！手工丸类拼盘呢个手工丸类拼盘啱晒我哋呢啲贪心嘅人，一次试晒六款手工丸，包括：鹅肝墨鱼丸、墨鱼丸、虾丸、梅菜猪肉丸、芝士牛肉丸同黑松露虾丸！全部都系人手自家制，入口爽口弹牙。A姐至爱黑松露虾丸，黑松露味香浓，同虾丸好夹；而我就钟意梅菜猪肉丸，口感丰富，梅菜吊起猪肉鲜味，正！御选梅花猪油脂分布适中，肉质鲜嫩，猪味香浓，同麻辣锅底好夹。黑栢叶薄薄一块，煮十秒就啱啱好，爽口弹牙！杂锦蔬菜盘呢个蔬菜盘份量丰富，有粟米、秋葵、菇类同蔬菜，全部都系非常新鲜，清脆爽口。