屋喔 (已結業)

阿猪个朋友都几耐冇见，约出黎大家就脚d去旺角，听人讲呢间屋喔唔错就黎试下。黎到...真系好多人 ，我地两个等左半个钟左近，大家食记得book位先。小食叫左盐酥鸡，几大份，size一口过好易食，炸得好而且够脆。盐既分量加得唔错，十分咸香，好味！阿猪同朋友叫左两个dinner set +28包饮品同甜品。黑松露野菌蚵仔炖饭，黑松露味好浓，蚵仔数量都唔少又新鲜，食落有蚵仔味突出之余又有菇味，好食！个饭吾会太咸，饭较软身，偏湿，口感食落好creamy，食落都几饱。跟餐甜品Cheese cake Tiramisu，阿猪同朋友爱好甜野，所以拣左Tiramisu 。外貌好得意，系盆栽咁上碟，食落Cream层好滑易溶，不过较奶，成个样都加左分，可以讲系唔错！饮品阿猪叫左冰蓝蝶花蜜莉茶，卖相十分好，同埋好甜。阿猪同朋友都俾吸引，因为冰底多，阿猪最后饮唔晒，分量十足。下次会再黎，到时食多d台式野。