犇之食堂 (已結業)

之前已经经过过呢间餐厅好多次，觉得装修好靓，一路都想去试，最近有同事食咗之后话好食，就立即令我有动力今次系港岛区睇戏之前去试下。无论餐厅外面同入面都见到好多用木做既装修同家俱，好有森系风格。食物价钱以开系铜锣湾闹市中既靓餐厅嚟讲都算好平，成个menu最贵既一个菜式系$86，但其他都无点去到呢个价位。见呢度居然有得单叫牛肉汤($48)，就叫咗𠮶嚟试下，汤都几大碗，入面有菜有萝卜，仲有四块牛，个汤都好浓味。朋友叫咗个酢酱面($48)，个面系粗身个只台湾面，酢酱味道都几浓烈，而且酱都好多，份量又好大碗。额外一提，朋友见到有酸菜加，话啲酸菜咁样配搭好正，而佢地既酸菜都好好食。我就叫咗个犇之卤肉饭($38)，酱料好足，个酱可以令每粒饭都好好食好浓味。朋友再叫咗个盐酥鸡($48)做小食，每旧鸡都几大只，又都系啱啱煮热好整出嚟，好香～～再叫多个肉燥青菜($38)朋友叫既香芋奶绿($32)，朋友俾咗啖我试，真系好好饮，唔甜又好浓芋香味。我叫既起司奶盖苿莉花茶($32)，个奶盖好厚，但系都可以同时饮到茶连奶盖，成杯都好好饮