圓山台灣料理 (已結業)

台湾美食一向系香港人所喜爱的，每道𩠌加上台湾二字必定吸引大量香港人前来品尝，本人亦不为外。 今次嚟到尖沙咀尝一尝台湾美食。首先，呢间舖晚市不设有小笼包，只有午市，令我大失所望，但无阻我嘅心情去品尝这间餐厅。总括嚟讲呢间餐厅嘅嘢食不错，没有令我失望至极。麻油鸡汤一个字正，鸡味融入在汤里，令到汤有鸡味，鸡有鸡味，虽然用鸡煲汤，但无令佢流失去原有嘅味道，亦保持鲜味。 平时一般饮鸡汤都有一层油喺上面，令到大部分人都不敢放肆地饮， 但系这间的鸡汤虽然都有一层油喺上面，但只有很少， 所以饮下去，嘴里面唔会有层油，令你口腔油淋淋。蚵仔煎十分有台湾的味道，蛋唔会煎得太老，沾上辣汁， 令到蚵仔煎层次再升华，令你无法抵抗。脆皮大肠十分有鲜味，外脆内嫩。担仔面正常发挥，但加上卤肉之后，令到面的味道有双重口味，变化万千。三杯鸡一定要趁食，食到鸡味嘅原汁原味 ，佢哋选择用嘅鸡唔会太肥唔，会太瘦。份量亦很多，不怕吃不饱，只怕吃不晒。总括嚟讲，呢间餐厅保留咗台湾菜嘅味道，亦加入香港人嘅口味，所以部分食菜有少少微调，但不会令人有抗拒感觉，反而爱上，值得一尝。