饞。台式食堂 (廈門街)

营业中

休息中

啱啱喺湾仔睇咗一套舞台剧，剧中嘅演员话，香港唔同嘅地区都有一种独特嘅味道，而我相信湾仔嘅味道就系台湾古早味！嚟到湾仔嘅馋台式食堂，餐厅走台湾文青简约设计，食物出品充满台湾风味，卤水同油香十足嘅卤肉饭，加上茶味香浓嘅珍珠奶茶，非常满足。酸菜鱼面酸菜鱼面非常足料，汤底浓郁，麻椒辣味啱啱好，带有微微嘅酸味，麻辣同酸味比例啱啱好。鱼片切花，肉质鲜嫩，配合埋挂汤一流嘅面条，真系好满足！塔香盐酥鸡配手工卤肉饭塔香盐酥鸡新鲜炸起，外皮酥脆，内里肉汁丰富，非常惹味。卤肉饭嘅卤肉汁浓郁，卤肉嘅脂肪同肉嘅比例啱啱好，会太过油腻。特别欣赏餐厅配上嘅沙律菜，食完盐酥鸡都唔会觉得油腻！珍珠奶茶食台湾嘢又点少得杯珍珠奶茶！呢杯珍珠奶茶有香浓嘅茶味，配埋软硬适中嘅珍珠，口感非常丰富！