珍煮丹 (已結業)

茶饮店开到周街都系 呢次去嘅呢条街连续有四间茶饮店 今次想饮嘅系珍煮丹🧋本来佢有款芝麻蕾蕾之前饮过系劲好饮 但系呢排唔知点解每次经过都系话售罄 可能已经冇再出😓所以就拣咗另一款都系有芝麻嘅芝麻茉香圆圆🧋✨✨✨✨✨✨✨✨✨✨🧋芝麻茉香圆圆 $38本身呢啲嘢已经好邪恶 所以我拣咗微甜 冇咁大罪恶咁🤣饮落去就知微甜真系已经好足够 如果正常真系会太甜🔺芝麻味系超级浓郁 有种好绵密嘅感觉😆🔺饮落去仲会食到好细粒嘅芋头🔺中间系茉香奶绿 饮到茉莉茶味好出 系香 只不过我个人系麻麻哋茉莉味嘅😅🔺最底其实唔系珍珠 而系有细细粒嘅芋圆同地瓜圆😍😍😍粒粒都好烟韧 完全系我想要嘅口感呢杯芝麻茉香蕾蕾有创意得黎又配合得几好 虽然我本身唔钟意茉莉味 但系佢浓郁嘅芝麻同埋啲芋圆已经可以cover哂我对茉莉嘅不满🤣我系诚意推介的💁🏻‍♀️