醋頭家 (已結業)

曾经有一段时间周街都系饮品店，执下一又一间，静左一轮，唔知是咪因为天气太热再加上一波波饮料打卡潮，饮品店又再次番生。朋友话我知元朗有新店出没，见佢评语唔错都好有兴趣。来自台湾嘅醋头家主打果醋饮品，取代肥仔水同咖啡，饮得健康咁话。小店位置易找，发记粥品直行便是，装潢简单，饮料外型朴实餐牌选择巨多，分酵醋、鲜茶酵醋、果醋、原茶、黑糖系列、奶茶、果茶、乳酪、奶盖等，分中/大杯，定价$14-33。可加紫苏、酵醋、波霸、鲜果，一律$5。按过往习惯，我理论上系拣奶盖或者黑糖类，不过由于晚饭食得太多炸物，一于试下果醋啦，毕竟是招牌。原本想加波霸试试，不过卖哂噜。蜜桃酵醋鲜茶饮 $20/M可选红/绿/青茶或乌龙茶，拣左乌龙，冲泡简单，所以唔需要等候太耐。醋头家强调挑选天然酿造果醋加水果、植物酵醋制成，醋酸唔会过份强烈。只系一开头大口饮会有一丝呛鼻，待搞匀后以蜜桃味为主，酸酸甜甜，确实几清凉，稍为舒缓左晚饭嘅饱滞感醋呢家野唔系个个啱饮，好在都仲有供应其他饮品。