老媽拌麵 (THE FOREST) (已結業)

行紧The FOREST嘅时候有啲肚饿，同行小伙伴想食面，望望水牌，就去咗老妈拌面食下午茶。下午茶种类都几丰富，有拌面，饭，蛋饼，刈包，甜品等等，仲可以加钱要台式小食😁😁😁🤗🤗👍担担香菇肉燥拌面配洛神花茶🐷🍄🍵台式餐厅嘅肉燥系灵魂所在，质素通常不俗，呢度当然都唔例外。配菜方面除咗香菇之外仲有茶树菇同埋海鲜菇，口感好丰富，同肉燥一齐味道好夹。面就选咗幼面，Q弹有筋道，果然系招牌拌面啊。上枱时要趁热捞面，冻咗比较难捞啦。洛神花茶唔系用茶包， 真系煲出嚟嘅， 已经加咗糖调味，味道酸甜开胃😍😍😍🤭🥳台式甜辣酱牛展刈包配地瓜条🐂🍠升级玫瑰花洋甘菊花茶🌹🌼牛展刈包味道唔错，牛展卤得入味，刈包系刚刚蒸起出炉，好软熟。地瓜条新鲜炸起，比一般薯条更香更甜更可口。玫瑰花洋甘菊花茶系推荐之选，洋甘菊花经过处理，味道好出，配合淡淡嘅玫瑰花香，呢一杯好值得饮。而且呢个花茶可以疏肝解郁，明目润肝，有药用价值呢😁😁👍👍🤗🤗🤩豆乳香香鸡🐥鸡粒香脆嫩滑，系刚刚炸起嘅，配合豆乳酱，即系我哋平时话嘅腐乳，咸香可口，好好食嘅一个小食， 比平时食开嘅盐酥鸡更有特色😊😊🤗👍作为下午茶份量都唔少，环境唔错，坐得都好舒服😍😍🤭😄✨