哈豆

营业中

休息中

我间中就会去观塘成业街攞集运，有时放工嚟攞完集运之后好想揾啲嘢食，但呢条街好多餐厅都唔做晚市，今日终于俾我意外地发现呢一间哈豆系营业至晚上9:00 ，于是今日嚟攞完货之后，就上去食埋晚饭先返屋企。地方不大，但环境亦舒适，让我可以静静地食番餐一个人的晚餐。以小店来讲选择都算几多，台式小食令我可以怀念一下以往的台湾之旅。麻辣丸子三兄弟分别系花枝丸同埋贡丸，食得出两款丸子都系来自台湾嘅货色，麻辣酱唔算太辣所以觉得好好味。主食就拣咗排骨肉燥干拌面，拌面亦有加入萝卜粒、半只卤水蛋、蔬菜等等，捞匀食味道唔错。酥炸排骨炸得非常香脆，而且超大块，大件到其实我都食唔晒，真系好抵食。补少少钱就有呢杯百香果绿茶QQ，拣咗少甜少冰果然唔系太甜，入面有好多珍珠同椰果，Q弹有口感，值得推介！