茶軒 (菲林明道)

营业中

休息中

打工仔食饭时间唔多，要用好啲时间黎差返电更加难，今日想推荐湾仔一间台式餐厅-茶轩。餐厅楼底极高，多盏精致玻璃小吊灯装饰，座位宽敞，静静地叹杯靓茶，正午餐选择都算多, 当然要试下台湾地道美食-极级鹅肝配卤肉饭：比较少有嘅美食，鹅肝质感较粉嫩，肝味浓厚，加埋肥廋适中嘅卤肉，另外一定要提下助餐嘅酸菜，味道微酸，开胃唔刺激，捞埋白饭一齐食，推介。除左卤肉饭外, 卤水拼盘配拉面都值得一试, 大大份有鸡翼、牛肚同猪耳, 牛肚同猪耳爽脆, 鸡肉嫩滑入味, 手工拉面弹牙沙汤底香浓。叫得茶轩当然唔少得茶啦, 套餐可以免费选一款台湾冷泡茶, 有成5款甘多可以选, 烘焙乌龙茶：味道清雅，口感冰冻，入口非常舒服，嘴位仲有个贴心嘅滤网，唔会成口茶叶㗎，抵赞! 洛神花茶就最适合女士饮用, 补血又养颜, 味道酸甜开胃, 饮完醒神晒。总结，餐厅环境阔落舒适，位同位之间唔会坐得好密, 中午差足电，下昼又继续努力！