影片
更多
2020-04-17
120 浏览
晏昼去食呢间舖头真系非常之抵食，因为佢嘅午市套餐系超级平！今日带咗个朋友食呢间台湾嘢，既然近排冇得去台湾，🇼🇸就食下台湾野怀念下。我哋都嗌左午市套餐同埋加咗一份小食，午市套餐系一份煮食加两份小食同埋一杯嘢饮。午市套餐 - 鲁肉饭🍚我个人好钟意食鲁肉饭，如果喺台湾每日都会食一碗，呢间嘅鲁肉同台湾简直系一样风味，因为食其他香港舖头嘅鲁肉饭都系好港式，冇咩台湾味道，但呢间我会比好高好高分。佢有落到红葱头，而普遍香港人都唔会落。午市套餐 - 台南鲜虾卷🍤因为未去过台南，所以呢样我冇得比觉，但系呢个虾卷我觉得好好食，佢个下好爽同埋有鲜味唔会因为炸咗而冇咗鲜味，值得推介。 午市套餐 - 古早味炸鸡卷🐔佢用咗鸡皮包住嚟炸鸡卷，我会话极之邪恶，但真系好好食，因为个鸡唔会因为炸过而变得韧炸咗，唯一美中不足嘅系旧鸡本身冇咩调味。 午市套餐 - 一口盐酥鸡🐥呢个盐酥鸡都系会令我回忆起台湾嘅夜市，新鲜，即炸，好味！ 午市套餐 - 椒盐四季豆🍡唔会吸左过多油份，而且调味啱啱好。呢个都好好味。 午市套餐 - 冬瓜茶🍐佢嘅冬瓜茶都系好好味，甜度啱啱好。非常开胃，应该会好啱夏天饮。雪糕综合芋圆（二人份量）🍨好彩同朋友
晏昼去食呢间舖头真系非常之抵食，因为佢嘅午市套餐系超级平！今日带咗个朋友食呢间台湾嘢，既然近排冇得去台湾，🇼🇸就食下台湾野怀念下。我哋都嗌左午市套餐同埋加咗一份小食，午市套餐系一份煮食加两份小食同埋一杯嘢饮。
午市套餐 - 鲁肉饭🍚
我个人好钟意食鲁肉饭，如果喺台湾每日都会食一碗，呢间嘅鲁肉同台湾简直系一样风味，因为食其他香港舖头嘅鲁肉饭都系好港式，冇咩台湾味道，但呢间我会比好高好高分。佢有落到红葱头，而普遍香港人都唔会落。
午市套餐 - 台南鲜虾卷🍤
因为未去过台南，所以呢样我冇得比觉，但系呢个虾卷我觉得好好食，佢个下好爽同埋有鲜味唔会因为炸咗而冇咗鲜味，值得推介。
午市套餐 - 古早味炸鸡卷🐔
佢用咗鸡皮包住嚟炸鸡卷，我会话极之邪恶，但真系好好食，因为个鸡唔会因为炸过而变得韧炸咗，唯一美中不足嘅系旧鸡本身冇咩调味。
午市套餐 - 一口盐酥鸡🐥
呢个盐酥鸡都系会令我回忆起台湾嘅夜市，新鲜，即炸，好味！
午市套餐 - 椒盐四季豆🍡
唔会吸左过多油份，而且调味啱啱好。呢个都好好味。
午市套餐 - 冬瓜茶🍐
佢嘅冬瓜茶都系好好味，甜度啱啱好。非常开胃，应该会好啱夏天饮。
雪糕综合芋圆（二人份量）🍨
好彩同朋友嚟食，终于可以试吓呢一个二人份量嘅芋圆，佢嘅芋圆好好食，既有咬口之余又keep到芋头或者番薯嘅香味，而且佢选择嘅配料都好好味，包括小丸子、仙草、红豆黑、白珍珠同自选雪糕。整体都好好味，绝对同台湾嘅水准比得上！
如果挂住台湾但又唔得闲去嘅，你呢度绝对系一个好好嘅选择，因为食物整体水平真系好高！！👍👍
张贴
