阿佳拌麵

营业中

休息中

每次去葵涌广场第一时间都会先上三楼既美食天堂，扫平货之余当然要医饱个肚先啦，咁先有气力shopping。平时我都会食碗酸辣粉，但今次试下新野，系三楼吉野家隔离就有间台湾小食店「阿佳拌面」，佢地有七款拌面，四款夜市小食可选择，今次我选择左盐水鸡拌面，沙茶酱汁。盐水鸡本身有少少咸味，捞埋酱汁一齐食好惹味，油面质地煮到刚刚好软硬适中，卤豆腐口感好惊喜，唔似一般豆腐咁软淋淋㖞，好弹牙似食紧鱼蛋咁，全部捞埋一齐食，口感好丰富，配菜仲有酸萝卜好爽脆。