小王牛肉麵 (已結業)

最近返工食lunch同事介绍左食呢间台式餐厅，佢地推介半筋半肉粗面，试完一次，念念不忘，上网睇，原来有间分店系屯门vcity, 近近地，放假又忍唔住去食! 今次当然又叫返半筋半肉面，佢个牛肉汤底个人觉得有d似肉骨茶味，饮得出好足料，牛腩同牛根都入晒味，质地软稔，一啖接一啖，差d食晒d𩠌都未食面，白色粗面煮得刚好，不过最吸引都系个汤底，饮到一滴都冇剩，餐饮试左香芋珍珠，都还可，另外叫左麻酱青瓜同韮菜饺，青瓜真系屋企买支麻酱捞落去就得，可以不试，韮菜饺煎得香脆，不太油腻，可一试! 讲讲下又想食啦点算!🤣🤣🤣 平均消费: 约 $40-$100