茶語

营业中

休息中

太耐冇去旅行，好挂住台湾嘅嘢食。台湾嘅肉燥饭、盐酥鸡同埋蛋饼，都系我嘅至爱，再加埋杯珍珠奶茶，简直一流。呢间系我平时去开食嘅台湾店，佢哋嘅肉燥饭瘦肉偏多，啱我最唔钟意食肥肉嘅人。门面细细，但系佢都有三个出入口，去到商场下面一啲都唔难揾，舖头入面都唔系好多位，大概坐到十几张枱。 Menu大概分为主食同小食，煮食就系鸡翼猪扒配肉操饭或米线，小食类就系食蛋饼或者炸烧卖。叫咗一个鸡翼肉燥饭同猪扒肉燥饭，饭系用珍珠米，配有半只卤水蛋同肉燥，上枱时热辣辣，鸡翼同猪扒炸到外脆内软，猪扒好淋好易入口同咬开，鸡翼好大只。另外整咗个青瓜配木耳，青瓜同木耳都好爽口，配埋秘制酱汁好开胃。最后加多杯珍珠奶茶，珍珠份量好多，好弹牙，奶茶少甜。