茶點

营业中

休息中

大埔小店不嬲都多，今日就试吓呢间台湾小店～极度怀疑同上次食𠮶间系姊妹舖哈哈🤣🤣🤣餐牌上面都有面有饭去选择！不过嚟得食台湾野梗系想试佢啲肉燥㗎啦～𠮶日实在太肚饿冇食晏昼嘅关系，忍唔住一个人叫咗成枱野真系好夸张🤣🤣佢前菜送咗一个麻酱生菜，不过不失啦～首先嘅系肉燥拼炸猪扒米线!猪扒大大份感觉系啱啱炸起～所以新鲜热辣辣！但我觉得佢好似揸得㶶咗少少～搞到佢有少少缩咗水同埋有啲干🤔反而个肉燥米线就煮得啱啱好,弹牙唔会太淋！肉燥都十分之香口份量都多～正常女仔都够饱啦！卤水鸭肾～我估呢度应该有三四只鸭肾！卤水好入味，鸭肾烟烟银银好有口感！来到我最期待嘅地瓜球！ 因为疫情咁耐冇去过台湾最挂住就系地瓜球！呢一间同台湾嘅有啲唔同，台湾𠮶啲其实个皮好薄而且冇咁多面包糠喺上面！呢一间就感受到佢裹过一啲炸粉，但都唔算厚而且入面嘅芋泥好厚实！入口𠮶下感觉好绵密！好食～最后加一杯芒果牛奶酸酸甜甜～好似甜品咁